Mobot Anggur (Mola Hidatidosa)

PANGAKSAMA

Angayubagia titiang aturang majeng ring Ida Sang Hyang Widhi Wasa krana asung kerta wara nugraha Ida santukan sangkaning pasuecan lan asung kertha wara nugrahanIda, sang sane nyurat kria patra puniki prasida muputang ring galah sane sampun kacumawisan. Kria patra sane mamurda “Mobot Anggur (Mola Hidatidosa)”.

Ring sajeroning ngaryanin kria patra puniki, sang sane nyurat sampun mautsaha pisan mangda kria patra puniki prasida mawiguna. Sakewanten, dados jadma nenten wenten sane paripurna pisan sinah wenten kaiwangannyane. Wantah asapunika sane prasida katur, dumogi kria patra puniki mawiguna. Nenten lali sang sane nyurat kria patra puniki nunas piteket mangde kria patra puniki prasida paripurna.

Singaraja, 30 November 2012

Panyurat

ADIAYA I

PEMAHBAH

1.1 Purwaka

Makeh pinyungkan sane wenten ring angge irage, sane ngranayang penyakit punika sekadi kirang olahraga, kirang gisi, lan punika masih prasida krana pinyungkan saking keturunan. Pinyungkan sane ngranjing ring angga irage nenten nyingakin tua, bajang, lanang, muah istri. Ring aab sekadi mangkin, makeh para anak istri sane keni pinyungkan sekadi, Kanker Rahim, Kanker Payudara, HIV/AIDS, tur makeh malih sane siosan sane mrasidayang ngawinang anak istri makeh keni baya.

Sekadi sampun irage uningin para anak istri sane sampun merabian pastika meled madue oka ring kaluarga punika. Santukan dados ibu, punika ngawinang rasa bagia ring kauripan ipun. Yening irage mobot pastika makeh wenten baya ring janin anake mobot punika. Makeh para anak istri sane sampun merabian nenten nguratiang ragannyane rikala mobot. Napi malih ibu sane meneng ring desa, krana kirang panyuluhan tur kirang gisi.

Mobot ring para ibi inggih punika kawentenan anak alit sane tumbuh ring rahim. Nanging, nenten sami anake istri sane mobot punika becik-becik kemanten. Ritatkala mobot pastika manggihin baya ring mobot ipune tur prasida ibu punika ngulungang. Yening janin punika prasida dados rare nanging ngulungang, irika pastika dokter ngalaksanayang kurate utawi ngicenin ubad angge ngamersihin rahim sang anak istri sane ngulungang.

Punika kawetuang olih sekancan baya. Sinalih tunggil inggih punika Mola Hidatidosa utawi sane sering kasengguh Mobot Anggur. Mobot sekadi punika malianan sareng mobot sane becik (normal). Sane ngranayang inggih punika olih sel sperma lan sel telur sane nenten becik. Dadosnyane yening presida kawentuk punika prasida dados pinyungkan tur wentuknyane sekadi buah anggur.

Pinyungkan sekadi punika sanget ngawetuang karugian ring anak istri sane mobot punika. Lianan punika kesehatan, pinyungkan punika prasida ngaryanin anakistri sane mobot anggur puniki stress utawi depresi. Mawinan asapunika kesehhatan lan gisi mesti kauratiang olih anak istri sane mobot.

1.2 Pikobet

1.2.1 Napi manten Kajian Teoritik Mobot Anggur (Mola Hidatidosa) ?

1.2.2 Napi Punika Mobot Anggur ?

1.2.3 Napi Manten Kepahan tur Sapunapi Proses Mobot Anggur Punika ?

1.2.4 Napi Sane Ngawinang Mobot anggur Punika ?

1.2.5 Punapi Gejala-gejalanyane ?

1.2.6 Sapunapi Tata Cara Pangubadannyane ?

1.3 Tatujon

1.3.1 Prasida Uning Kajian Teoritiknyane.

1.3.2 Prasida Uning Mobot Anggur Punika.

1.3.3 Prasida Uning Kepahan lan Prosesnyane.

1.3.4 Prasida Uning Sane Ngawinang Mobot Anggur Punika.

1.3.5 Prasida Uning Gejala-gejalanyane.

1.3.6 Prasida Uning Tata Cara Pangubadanyane.

ADIAYA II

PANELATARAN

2.1 Kajian Teoritik

2.1.1 Mobot inggih punika naka istri sane makta embrio utawi fetus sane wenten ring angganyane. Mobot punika kawentuk olih sel sperma lan sel telur.

2.1.2 Pinyungkan inggih punika kahanan sane mresidayang ngawetuang sunhgkan ring angga irage.

2.1.3 Rahim inggih punika organ angge sane wantah anak istri manten sane medua. Tur rahim punika genah rare sane wenten ring weteng anak istri sane mobot.

2.1.4 Kontrasepsi inggih punika ubad sane kaanggen mangda nenten mobot. Kepahan kontrasepsi inggih punika sekadi Pil KB, Kondom, Susuk, muah sane lianan.

2.1.5 Ultrasonografi (USG) inggih punika piranti sane kaanggen nyingakin janin sane kari wenten ring weteng sang mobot.

2.2 Artos Mobot Anggur

Mobot Anggur (Mola Hidatidosa) inggih punika mobot sane nenten pateh sareng mobot sane becik (normal). Marupa tumor jinak sane kawentuk krana pembuahan sel sperma lan sel telur sane nenten becik. Punika ngawinan hamil anggur. Hamil Anggur punika neket ring dinding rahim tur dados plasenta. Tumor punika prasida dados ganas.

Mola Hidatidosa inggih punika chorionic villi sane tumbuh dados kalih sane wentuknyane sekadi buah anggur tur dagingnyane toya sane bening tur transparan. Makadadosnyane kasengguh Mobot Anggur. (Mocthar, Rustam, dkk, 1998:23).

Mola Hidatidosa inggih punika mobot sane nenten becik, sane ciri-cirinyane stoma villus korialis langka, vaskulariasi dan edematous. Janin biasanyane mati nanging villus-villus sane ngedenang tur edematous punika idup lan terus tumbuh, punika sekadi buah anggur. (Wiknjosastro, Hanifa, dkk, 2002:339).

Mola Hidatidosa inggih punika pauwahan villi korionik dados kista sane wentuknyane sekadi buah anggur sane dadingnyane toya sane bening. Embrio mati tur mola enggal tumbuh, uterus sane terus ageng tur ngasilang Humanshorionic Gonadropin (HCG) (Hamilton, C. mary, 1995:104).

Gambar : Mola Hidatidosa (sane marupa buah anggur)

Gambar : Mola Hasil Kurate

Mobot Anggur utawi Mola Hidatidosa prasida wenten ring anak istri sane taen ngalaksanayang senggama. Dadosnyane nenten patut yening mobot anggur punika prasida wenten ring anak istri sane nenten taen ngalaksanayang senggama.

Ring makudang-kudang cakepan, kasengguh Mobot Anggur punika wenten ring anak istri sane magenah ring benua Asia. Punika prasida kacingak ring 80-120 mobotan. Punika prasida kacingak tur kapreksayang nganggen piranti sane kasengguh USG. Dadosnyyane mobotan sane puyung prasida kauningin tur nenten kantos wenten Mobot anggur punika.

Ring kasus Mola Hidatidosa, indung telur ring anak istri prasida madaging kista lutein (prasida wenten ring makakalih indung telur) sane prasida ilang. Mobot puniki sering wenten ring kelompok-kelompok etnis lan sane paling tegehe magenah ring duranegara sekadi Amerika Latin, Timur Tengah, lan asia Timur.

Mola Hidatidosa sai wenten ring anak istri sane bajang utawi anak istri sane nenten malih men. Anak istri sane tuwuhnyane 35-40 yusa madue resiko keni pinyungkan puniki.

2.3 Soroh lan Proses Mobot Anggur

Mobot Anggur (Mola HIdatidosa) prasida kakepah dados kalih inggih punika Mola Sempurna lan Mola Persial.

2.3.1 Mola Sempurna “Mola Hidatidosa Komplit”

Sperma sane tubuh rage-rage, punika sekadi buah anggur tur prasida dados janin. Mola Sempurna nenten madue fetus. 90% nyane punika marupa genotip 46 XX lan sisanyane 46 XY. Vili Korionik mauwah dados vesikel-vesikel sane bening. Mola Sempurna prasida kakepah malih dados kalih inggih punika :

a. Mola Sempurna Androgenetic

Homozygous

1. 80% nyane punika Mola Sempurna

2. kalih komplemen kromosom paternal mirib, kapolihang ring duplikasi kromosom haploid punika kapolihang saking anak lanang.

3. Sering kapanggihin ring anak istri, anak lanang nenten kapanggihin.

Heterozygous

1. 20% nyane punika Mola Sempurna.

2. Prasida anak lanang utawi anak istri.

3. Makasami kromosom wetu saking ajik lan biang, punika kawentuk olih pembuahan kalih sperma.

b. Mola Sempurna Biparental

Genotip biang lan aji kacingak nanging gen maternal nenten prasida ngaruhin janin dadosnyane gen paternal sane prasida kacingak.

1. Mola Sempurna biparental naanin kapanggihin.

2. wentuk rekuren mola biparental.

3. sampun kapanggihin kromosom sane lakar dados calon inggih punika 19Q13.

2.3.2 Mola Parsial “Mola Hidatidosa Inkomplit”

Telur kasenyawaang olih kalih sperma. Plasenta dados molar sane prasida kacingak sekadi buah anggur. Mola Parsila, eritrosit lan pembuluh darah fetus ring villi sane sering kapaggihin. Komplemen kromosomnya inggih punika 69 XXX utawi 69, XXY. Punika wenten krana fertilasi ovum haploid lan duplikasi kromosom prasida kapanggihin. Kacingak ring mola sempurna, kapanggihin jaringan trofoblastik hyperplasia.

Janin utawi kepahan ring janin prasida ngawetuang mola punika. Ring bulan kapertama janin mati. Nanging, wenten masih janin sane prasida idup sane ageng utawi kasengguh aterm.

2.4 Sane Ngawinang Mola Hidatidosa

Faktor sane ngawinang Mobot Anggur punika nenten prasida kapastiang. Nanging makeh faktor sane prasida katilikin indik mobot anggur puniki, sekadi sel sperma lan sel telur sane nenten becik utawi nenten berkwalitas, sane mresidayang janin punika mati tur nenten tumbuh. Kkirang vitamin A, Darah Tinggi, tur faktor gisi sane nenten becik. Anak istri sane yusanyane kirang ring 20 utawi di atas 40 punika prasida keni pinyungkan puniki. Sering kapanggihin ring masnyarakat sane sosial ekonominyane nenten becik (lacur), kirang gisi ring anak istri sane mobot, gangguan ring peredaran darah. Ngajengang ajengan sane nenten madaging protein, asam folat, lan karoten. Taen keni mobot anggur puniki. Infeksi virus krana ngangge piranti kontrasepsi sane sue. Nuenang riwayat Abortus Spontan.

Sekadi sampun katelatarang ring ajeng, mobot anggur punika prasida kawetuang olih kirang gisi, asam folat, beta karotein, virus lan abortus spontan. Gisi sane makeh kaperluang olih anak istri sane mobot makeh wenten ring buah lan jukut-jukutan. Iriki prasida kacingak sekancan ajengan sane madaging gisi sane kaperluang olih anak istri sane mobot, mangde nenten keni pinyungkan mobot anggur (Mola Hidatidosa).

a. Ajengan sane madaging Beta Karoten

Beta Karoten mawiguna kaanggen angge inggih punika nyegah sel sane usak lan prasida nyaga kekebalan angga. Kepahan ajengan sane madaging beta karoten prasida kapolihang ring ajengan dane sewai-wai.

Madaging zat antioksidan, beta karoten mawiguna ngalawan zat radikal bebas sane wenten ring zta-zat beracun. Radikal bbebas inggih punika genah berkembangnyane pinyungkan punika, sekadi pinyungkan jaunting. Resiko pinyungkan jantung prasida nyerikang yening anak ane sungkan prasida ngajengan ajengan sane madaging beta karoten minimal 50mg.

1. Ubi Jalar

Umbi-umbian puniki makeh nmadaging zat beta karoten. Kesela sane jaan puniki prasida dados ajengan sane makeh madaging zat beta karoten.

2. Bayem

Beta karoten punika prasida wenten ring jukut-jukutan sane mawarna gadang punika. Prasida ngubadin kanker sane wenten ring fitonutriennyane, tur prasida ngubadin kanker servik inggih punika silih sinunggil pinyungkan ring vagina. Punika prasida kakukus, kalablab, tur kakaryanin jangan.

3. Bungan Kol

Jukut-jukutan puniki mawarna pateh sekadi bayem tur makeh madaging nutrisi puniki sekadi beta karoten. Irage prasida manggihin bungan kol punika ring soroh jukut-jukutan.

4. Wortel

Lianan anggen pinyungkan peningalan, wortel punika prasida kaanggen pinyungkan jantung. Wortel makeh madaging beta karoten tur prasida nguangin gula darah.

5. Blewah

Zat beta karoten, pro vitamin A, magnesium, mangan, seng lan krom wenten ring buah blewah puniki. Prasida nguangin peradangan usus. Manis sane asli tur enzim sane wenten ring buah blewah puniki madue kawigunan sekadi absorbs utawi penyerapan ring usus punika kakranayang olih ngajengang sane enggal-enggalan,tur ajengan sane makeh madaging base utawi piksin.

b. Ajeng-ajengan sane madaging Protein

Protein inggih punika senyawa organik komplek

1. Sushi

Sushi inggih punika ajeng-ajengan saking duranegara inggih punika jepang, sane dagingnyane nasi, be, lan jukut-jutan sane matah utawi sane sampun kalab-lab. Sushi madaging protein lan serta sane ketahnyane rendah kaloro lan lemak.

2. Adeng

Adeng inggih punika madaging protein sane madue nutrisi sane pinih ageng katimbang ajengan protein sane siosah. Siki adeng madaging pitu gram protein tur kali gram lemak jenuh. Yening ngelidin lemak jenuh, punika prasida ngangge putih adeng punika manten. Makeh para jana sane molihang, yening irage ngajengang roti lan adeng ritatkala semengang punika prasida ngaryanin irage wareg sue.

3. Tulang Iga siap

Tenderloin madue baat siki kantos kali ons, punika ngawinang dangan irage ngontrol porsi. Aluh pisan ngolah tenderloin ayam puniki, lianan tekenin kaanggen jangan ayam puniki masi prasida kaanggen tumis.

4. Tangkah Siap

Tugelan ulam nenten madaging muluk puniki yening kasandingang sareng roti prasida dados ajengan rendah kolestrol sane sehat. Ajengan puniki prasida dados pilihan yening iraga meled ngajengang ulam sane rendah muluk jenuh. Pilihan sane kaping kalih inggih punika ham lan ulam sampi panggang. Nanging, pastika ngajengang kalih ulam ring sandwich punika.

5. Ulam Sampi

Ulam sampi puniki sane becik tur lebih baat katimbang kepahan daging sane kaanggen steak. Puniki ngawinang lebih keras ring ulam-ulam sane lianan. Ulam sampi puniki madue kelebian ring ukurannyane, inggih punika lebih gede ring ulam-ulam sampi sane siosan. Ulam sampi puniki nenten madue muluk.

6. Kedele Nguda

Kedele nguda sane warnanyane gadang puniki prasida dados ajengan sane becik. Prasida kakukus lan katambahin tasik kemanten. Lianan punika, irage prasida nambahang kedele ka jangan. Kacang kedele lebih makeh proteinnyane kapining ulam sampi sane nenten madaging muluk.

7. Ulam Segara

Irage pastika nyediaang ulam segara ring kulkas. Punika irage prasida madue ajengan sane becik (sehat) sane makeh madaging protein.

8. Udang

Udang makeh madaging kalsium lan protein. Dadosnyane udang punika ngranjing ring protein hewani. Protein sane wenten ring udang punika ngranjing paripurna krana kadar asam amino sane makeh, 85-95 persennyane dangan ngranjing ring angga. 100 gram udang matah makeh madaging 20,3 gram protein utawi prasida nadiging protein sewai-wai sane makehnyane 41%.

9. Susu

Susu kawigunannyane inggih punika silih sinunggil sumber protein sane pinih becik lan prasida kaiket antuk konten sane makeh proteinnyane. Yadiastun nenten madaging protei sane ageng, nanging kwalitas protein sane katragiang olih angga pinih ageng. Protein ring susu punika prasida madaging asam amino sane kaperluang olih angga.

10. Bekecot mas

Manut Dr. Ir Sulistionio, MSc, Manggala Departemen ManajemenSumberdaya Perairan (MSP), Fakultas Perikanan lan Ilmu Kelautan Institut Pertanian Bogor (IPB), daging gizi bekecot mas punika kauningin madaging asam omega 3,6 lan 9. Ring asil uji proksimat, daging protein ring bekecot mas sampun janten sawatara 16 katos 50 persen. Ring wewidangan, bekecot mas puniki kakaryanin dados makudang-kudang soroh ajengan sekadi sate, pesan, sambel bekecot, kantos kecap bekecot.

c. Ajengan sane madaging Asam Folat

Asam Folat (acid folid) inggih punika sane dangan kacampuh ring toyane. Asam folat sane kaperluang olih anak alit utawi anak lingsir kaanggen ngaryanin sel darah merahlan ngiranggin anemia. anak istri sane mobot pinih kaharusang ngajengang ajengan sane madaging asam folat. Punika prasida ngirangin rare sane lekad nguda utawi cacad.

Yening marencana mobot sepatutnyane prasida ngajengang asam folat sane makeh, sekirangnyane 4 sasih sadurung mobot. Penelitian anyar ngamolihang yening asam folat utawi vitamin B-9 ring anak istri sane mobot prasida nguangin resiko ngembasang anak alit sane madue pinyungkan ring pertumbuhan, tur Autisme lan Sindrome Asperger. Asam folat taler mawiguna ngerangsang embasnyane anak alit sane kembar. Penelitian sane kalaksanayang oling angga Australia nyihnayang yening, anak istri sane makeh ngajengang ajengan san emadaging asam folat nuenang pinih ageng 40 persen antuk ngembasang anak alit kembar kasandingang antuk sane kapah ngajengang asam folat.

1. Jangan-janganan

Jangan sane madaging asam folat minakadi bayam, kangkung, bungan kol, don bawang lan kentang.

2. Woh-wohan

Woh-wohan sane madaging asam folat minakadi biu, juuk, tomat lan makeh malih sane siosan.

3. Kacang-kacangan

Sami soroh kacang-kacangan medaging asam folat minakadi kedele, kacang lilit, kacang polong, kacang tanah, lan makeh malih sane lianan, medaging asam folat sane makeh.

Lianan punika daging asam folat taler makeh kapanggihin ring ajengan lianan sekadi ring sereal lan roti. Ajengan sane sampun katelatarang sampun madaging asam folat sane pinih kaperluang kaanggen nyage kesehatan angga.

Sampunang lali yening asam folat inggih punika vitamin sane nenten prasida keni ail an oksigen. Antuk punika kasaranang ngajengang ajengan sane madaging asam folat sane matah minakadi salad. Yening perlu kalebengin, sampunang ngalebengin kantos sue, irike mawiguna kaanggen ngirangin kandungan asam folat.

2.5 Caciren Mola Hidatidosa (Mobot Anggur)

Caciren sane prasida wenten yening anak istri sane keni pinyungkan Mola Hidatidosa inggih punika sekadi :

1. Pendarahan sane terus-terusan ring wuku ka 12 mobotan (prasida kacingak bintul-bintul kantos pendarahan sane makeh, ketahnyane mawarna soklat). Ketahnyane ngaryanin anemia lan kakirangan zat besi.

2. weteng sane terus ngeenang. Nenten manut ring tuwuh mobotan utawi pinih gelis saking ketahnyane (minakadi mobot 1 sasih kacingak sekadi mobot 3 sasih).

3. Seneb lan ngutah-ngutah sane terus-terusan.

4. Metu tekanan darah tinggi sane mapaiketan ring mobot anggur punika

5. Nenten wenten tanda-tanda kawentenan janin ( nenten wenten detak jantung anak alit, asta janin nenten prasida kacingak ring tes rontgen).

6. Kadar Hormon Korionik Gonadotropin (HCG) sane makeh wenten ring rah lan enceh ibu punika.

7. Denyut nadi sane gelis lan jantung nerugtug.

Yening asapunika nyingakin caciren ring ajeng nenten cukup. Krane ring mobotan kembar, ngulungang, lan kawentenan pinyungkan ring ari-ari prasida nyihnayang silih sinunggil caciren ring pinyungkan punika. Yening anak istri sane mobot nyingakin utawi ngrasayang silih sinunggil caciren ring ajeng sampunang laut ketug. Preksayang dumun, during pasti punika pinyungkan mobot anggur punika.

Yadiastun makeh caciren sane prasida iraga anggen nyiriang mobot anggur punika, pameriksaan prasida iraaga uningin yening nyingakin metu pinyungkan sane wentuknyane sekadi buah anggur punika.

Lianan prasida nyingakin caciren sane wenten, prasida malih ngalaksanayang pamriksaan kaanggen nyyihnayang diagnose punika, minakadi :

a. Rotgen : kaanggen nyingakin rangka rare, nanging yening nenten prasida kacingak during pasti punika mobot anggur.

b. Reaksi Biologis sareng Galli Manini : ngukurang kadar gonatropin sekadi kuantitatif.

c. Sonde : ring mobot anggur, sonde dangan ngranjing, naming ring mobot normanl, wenten pikobet saking janin punika.

d. Suntikan zat kontras ring rahim : ngedengang gegambaran sarang tawon.

e. USG : ngedengang gegambaran badai salju.

2.6 Pangubadan Pinyungkan Mola Hidatidosa

Pangubadan ring pinyungkan mobot anggur (mola hidatidosa) prasida kalaksanayang sekadi makudang-kudang tata cara, punika prasida kalaksanayang nyingakin ring pinyungkan punika sampun parah napi ten. Kakawitin saking pameriksaan sane kapertama kantos ngilanggang rahim yening mola hidatidosa punika sampun ganas.

1. Soroh pameriksaan sane kalaksanayang sekadi :

a. USG (Ultrasonografi)

Soroh pameriksaan puniki sanget mudah tur ngasilang informasi sane akurat. USG punika prasida kacingak gegambaran badai salju (snow strom) lan prasida kauningin yening nenten wenten grudugan jantung janin punika.

b. Pameriksaan puniki matetujon kaanggen ngukur kadar HCG ring enceh lan rah. Ring mobot anggur puniki, HCG lebih tinggi kasandingang sareng mobot normal.

c. Pantologi Anatomi

Pameriksaan mikroskopis pinyungkan sane wentuknyane sekadi anggur.

d. Pameriksaan Rontgen

Pameriksaan puniki prasida nguningin yening nenten wenten gegambaran badai salju, nanging gegambaran puniki prasida sekadi badai salju.

2. Pangubadan Mobot Anggur

Mobot anggur inggih punika tumor jinak, nanging ngendah dados ganas. Pangendahan sane nenten prasida kacingak ring sel-sel trofoblas prasida ngranjing tur ngarusak wigunan sel-sel ring angganyane. Sel-sel trofoblas prasida endah ka organ angga sane lianan, yur ati. Puniki kakawinang olih mola hidatidosa prasida ngendah saking rah. Pangubadan kalaksanayang

a. Anggen mola hidatidosa, pangubadan tipe mola ganas sane ngangge ubad sitostatik, inggih punika ubad sane nyuudang panumbuhan sel. Efek samping ring pangubadan puniki inggih punika rambut aas lan seneb kantos ngutah-ngutah.

b. Metode kurate, inggih punika piranti sane kacelepang ka sarira kaanggen nyedot pinyungkan punika kantos bersih. Yening anak istri sane nenten meled madue oka malih prasida kalaksanayang pengangkatan rahim.

3. Pangubadan Selanturnyane (Follow-UP)

a. Anak istri nenten dados mobot dumun tur nganggen pil KB.

b. Prasida nginutin jadwal pameriksaan ulang selama 2-3 warsa :

1. Nyabran wuku ring trimulan kapertama

2. Nyabran 2 wuku ring triwulan kalih

3. Nyabran sasih ring 6 sasih.

4. Nybran 2 sasih ring warsa selanturnyane, lan selanturnyane nyabran 3 sasih.

c. Nyabran pameriksaan ulang perlu kacingakin :

1. Caciren Klinis : Keadaan umum, pendarahan

2. Pameriksaaan dalam :

a. Kahanan Servik

b. Uterus nambah nyenikang utawi nenten

3. Laboratorium

Reaksi Biologis lan imunologis :

a. 1x awuku kantos hasil negatif

b. 1x2 awuku kantos triwulan selanturnyane

c. 1x asasih ring 6 sasih selanturnyane

d. 1x3 sasih kantos warsa selanturnyane

e. Yening masih reaksi titer kari (+) punika prasida kacurigain kawentenan keganasan.

4. Sitostatika profilaksis

Matoretrat 3x5 mg kantos 5 dina.

ADIAYA III

PAMUPUT

3.1 Untengnyane

a. Mobot anggur (Mola Hidatidosa) inggih punika mobotan sane nenten normal sane marupa tumor jinak punika kakawinang olih nenten prasida ngawentuk calon janin dadosnyane kawentuk jaringan membrane (vili) sane marupa anggur utawi matan be.

b. Soroh mobot anggur wenten kalih inggih punika mobot anggur sempurna lan mobot anggur persial.

c. Sane ngawinang mobot anggur inggih punika kakawinang olih faktor ovum, imunoselektif saking Trofoblast, kirang gizi, infeksi virus krana sue nganggen kontrasepsi oral, lan kirangnyane ekonomi.

d. Caciren saking mobot anggur inggih punika wenten caciren mobotan normal, pendarahan sane terus-terusan, uterus sane ngagengang lan nenten normal, seneb utawi ngutah sane ngewai, lan pinyungkan punika medal kasarengin olih pendarahan.

e. Pangubadannyane prasida kacingk ring cacirenyane dumun, yening wenten sane nenten patut, dadosnyane prasida ka cek ka LAB utawi USG, yening positif, sang ngalemin pinyungkan punika prasida kaperiksaang, yening sampun parah makadadosnyane dokter prasida ngalaksanayang kurate, lantas anak istri punika jagi kapereksa kesehatannyane mangda nenten metu malih pinyungkan punika, tur kasaranang mangda nenten mobot sakirang-kirangnyane 2 warsa.

3.2 Piteket

Piteket titiang iriki, sumangdane para anak istri prasida ngelidin pinyungkan mobot anggur puniki. Prasida nyaga kondisi lan nyingakin asupan gizi, sering nglaksanayang pameriksaan raga yening mobot.

Yening wenten caciren sekadi ring ajeng makadadosnyane kasaranang mangda enggal ngambil tindakan tur maperiksa mobotan raga ring dokter. Yening nenten, makadadosnyane prasida fatal krana pinyungkan punika yening kadepin prasida dados ganas.

SRANA BACAAN

Bidanku, 2012, Kehamilan Anggur.

http://bidanku.com/index.php?/kehamilan-anggur

Kompas, 2012, Mola Hidatidosa.

http://berita.indah.web.id/kompas_health/read/2012/10/22/13540645/Mengenal.Hamil.Anggur

Faithanet Global, 2010, Hamil Anggur (Molar Prehnancy).

http://nocervicalcancer.blogspot.com/2010/05/hamil-anggur-molar-pregnancy.html

Pustaka Medika Indo, 2008, Mola Hidatidosa.

http://cetrione.blogspot.com/2008/06/mola-Hidatidosa.htm

INFO10, 2012, Sepuluh Makanan yang Paling Banyak Mengandung Protein.

file://10-makanan-yang-paling-banyak-mengandung-protein.html

Pondok Ibu, 2012, Mengenal Gejala Hamil Anggur.